Бөлімдер
Мұрағат
Күнтізбе
Декабрь 2021
Пн Вт Ср Чт Пт Сб Вс
« Ноя    
 12345
6789101112
13141516171819
20212223242526
2728293031  

Абай институтының еңбектері

Абай институты еңбектері

Жарқын жаңалықтар

Жарқын жаңалықтар

ХАБАРЛАНДЫРУ!!! ТӘУЕЛСІЗДІККЕ ТАРТУ

 

 

 

 

 

 

 

Әл-Фараби атындағы Қазақ ұлттық университетінде Қазақстан Республикасы Тәуелсіздігінің 30 жылдығы аясында Абайдың шығармашылық мұрасы саласында жүргізілген ғылыми-зерттеу жұмыстарының  нәтижелерін таныстыру рәсімі өтеді. Толығырақ »

Құрметті оқырман!!!

«Абайтану антологиясы» – әл-Фараби атындағы Қазақ ұлттық университеті дайындап, көпшілікке ұсынып отырған аса зор рухани құндылық.

Антологияның Бас редакторы: филология ғылымдарының докторы, профессор Ж.Қ. Түймебаев.

Жалпы редакциясын басқарған: филология ғылымдарының докторы, профессор Ж.Дәдебаев.

Құрастырып, түсініктерін жазғандар: Л.Мұсалы, А.Мәуленов, Б.Даутова, Г.Қасымақын.

Антологияның оныншы томына абайтану бойынша жарияланған танымдық-тарихи маңызы бар, пәнаралық сипаттағы  ғылыми зерттеу мақалалары енді.

Антология орта мектептің жоғары сынып оқушылары мен жоғары колледжде, жоғары мектепте білім алушы жастарға, магистранттар мен докторанттарға, ғылым мен білім, мәдениет қызметкерлеріне, мемлекет қызметшілеріне, сондай-ақ қалың көпшілікке арналған.

Антология елдің ынтымағы мен бірлігінің нығаюына, интеллектуалдық әлеуетінің артуына, қоғамдық сананың дамуына қызмет етеді.

Антология AP08855683 «Абай ілімін білудің, түсінудің және қолданудың ғылыми негіздері мен теориялық тетіктері» жобасы аясында дайындалып, жарияланған.

 

 

АЙРЫҚША МӘНДІ ҮШ КІТАП

Айрықша мәнді үш кітап

Абай күніне арналған онлайн конференция

Абай күніне арналған онлайн конференция

 Халқымыздың ұлы ақыны Абай Құнанбайұлының туған күніне орай елімізде  10 тамыз – Абай күні болып белгіленді. Биылғы жылы данышпан ақын Абай Құнанбайұлы 176 жасқа толып отыр. Осыған орай әл-Фараби атындағы ҚазҰУ жанындағы Абай ғылыми-зерттеу институты былтырғы жылдан бері дәстүрге айналған «АБАЙ ҚҰНАНБАЙҰЛЫНЫҢ ШЫҒАРМАШЫЛЫҚ МҰРАСЫ ЖӘНЕ ІЛІМІ» атты екінші республикалық онлайн конференция өткізді. Конференцияда қазақ халқының ұлы ақыны Абайдың шығармашылық мұрасы мен ілімі заманауи ғылыми парадигмалар тұрғысынан қарастырылды. Конференцияны Абай ҒЗИ-дың жетекші ғылыми қызметкері,   ф.ғ.к., професор м.а. Ләйла Жұматайқызы Мұсалы  жүргізді.

Абай ғылыми-зерттеу институтының директоры, ф.ғ.д., профессор Жанғара Дәдебайұлы Абай ҒЗИ-да атқарылып жатқан жұмыстар бойынша  «Абай күнінде айтар жетістіктеріміз» атты баяндама жасады. Баяндамада Жанғара Дәдебайұлы Абайтану саласында нақтылы талдау, пайымдаулар бағытында іргелі ізденіс жасаған  ғалымдардың еңбектері негізінде «Қазақ университеті» баспа үйінен Абайтану таңдамалы еңбектерінің 50 томдығы мен оның құрамдас саласы – «Абайтану» антологиясының 10 томдығы басылымға шыққанын мәлімдеді. Абай ілімін терең игеру, меңгеру мақсатында оқырманға жол тартқан бұл еңбектерді университет кітапханасы, Абай институты мен баспа сайты арқылы пайдалануға болатыны жөнінде айтып өтті. Сондай-ақ ҚР Президенті  Қасым-Жомарт Тоқаевтың Абай мұрасын ЖОО-да оқыту туралы тапсырмасына байланысты университетіміздің Ғылыми кеңесі шешімімен барлық мамандыққа «Абай ілімі» таңдау пәні ретінде оқытылатынын жеткізді. «Абай ілімі» пәнін оқытудағы мақсатты ұстанымның   мазмұны «Абай ілімі туралы түсінік», «Абай ілімінің қайнар көздері», «Абай ілімінің құрамдас бөлімдері», «Абай ілімінің категориялары», «Абай ілімінің өлшеу құралдары», «Абай ілімінің мәні мен маңызы» тарауларына бөлінгенін тұжырымдады. Толығырақ »

«АБАЙ ҚҰНАНБАЙҰЛЫНЫҢ ШЫҒАРМАШЫЛЫҚ МҰРАСЫ ЖӘНЕ ІЛІМІ» атты екінші республикалық ғылыми онлайн конференция

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

АБАЙ ҒЫЛЫМИ-ЗЕРТТЕУ ИНСТИТУТЫ 

АҚПАРАТТЫҚ ХАТ

 

Әл-Фараби атындағы ҚазҰУ жанындағы Абай ғылыми-зерттеу институты Абай Құнанбайұлының туған күніне орай 2021 жылдың 10 тамызында өтетін «АБАЙ ҚҰНАНБАЙҰЛЫНЫҢ ШЫҒАРМАШЫЛЫҚ МҰРАСЫ ЖӘНЕ ІЛІМІ» атты екінші республикалық ғылыми онлайн конференцияға қатысуға шақырады.

Конференцияға қазақстандық әдебиеттанушылар, ЖОО мен ғылыми-зерттеу институттарының ғалымдары, докторанттар, магистранттар және БАҚ өкілдері шақырылады.

Конференция мақсаты – қазақ халқының ұлы ақыны Абайдың шығармашылық мұрасы мен ілімін заманауи ғылыми парадигмалар тұрғысынан қарастыру. Конференцияда қарастырылатын мәселелер:

— Абайдың шығармашылық тұлғасы және тағылымы;

— Абайдың шығармашылық мұрасының ерекшелігі;

— Абайдың ілімінің негізгі ұстанымдарын саралау;

— Абайдың шығармашылық мұрасы мен ілімінің қазіргі руханияттағы орны мен маңызы;

Конференция 2021 жылдың 10 тамызында сағат 15.00-де «Zoom» платформасында басталады. Сілтеме қосымша хабарланады.

Байланыс телефондары:  

8701-270-18-68 (Ләйла Жұматайқызы);

8747 896 74 79 (Бибігүл Дәулетқызы);

8777 212 20 83 (Гүлдана Қуатқызы);

 

Материалдар 2021 жылдың 9 тамызына дейін қабылданады. Мақалаларды мына электронды мекенжайға жіберу қажет:  Abaigzikonf@mail.ru. Конференция материалдарын электронды жинақ ретінде шығару жоспарланған. Жинаққа Халықаралық стандарттық номер (ISBN) беріледі.

Толығырақ »