Жарқын жаңалықтар

Әл-Фараби атындағы Қазақ ұлттық университеті жанындағы Абай ғылыми-зерттеу институтында дайындалған «Абайтану. Таңдамалы еңбектер» көп томдық басылымының XLIX томы жарық көрді.

«Абайтану. Таңдамалы еңбектер» көп томдық басылымының қырық тоғызыншы томында Х.Ж. Сүйіншәлиевтің «Абaйдың қара сөздері» еңбегі берілді. Кітапта Абай қара сөздерінің мазмұны, түрі, стилі, тілі туралы мәселелер терең әрі жан-жақты зерттелген. Ақын творчествосын толық бейнесінде көрсету үшін оның алуан сырлы қара сөзді мұраларын әлі зерттей түсу – қазақ әдебиеттану ғылымының алдында тұрған міндеттердің бірі. Бұл ретте қолыңыздағы кітап осы саладағы тұңғыш қадам ретінде ғана саналмақ.

Кітап орта мектептің жоғары сынып оқушыларына, студенттер мен магистранттарға, докторанттарға, қоғамдық-гуманитарлық ғылым салаларында ізденушілерге, мұғалімдер мен оқытушыларға, ғылыми қызметкерлерге, сондай-ақ көпшілікке арналған.

Әл-Фараби атындағы ҚазҰУ жанындағы Абай ғылыми-зерттеу институтында дайындалған «Абайтану. Таңдамалы еңбектер» көп томдық басылымының ХLVIII томы жарық көрді.

Абайтану. Таңдамалы еңбектер» көп томдық басылымының қырық сегізінші томында Дүкенбай Досжанның «Абай айнасы» еңбегі берілді. Бұл еңбекте Абай әлемі – жанның тамағы, жанның жарығы, жүрек сауыты, ақыл қыры, адам саумақ, жүрек айнасы, жан қуаты секілді таным сипаттарына еніп, ақын рухымен іштей сырласуға арналған. Әрі Абай өмірінің ақтаңдақ тұстарын соңғы кезде табылған Тұрағұл, Кәкітай, Ахат деректерімен өрнектелген. Жанры – жаңа заман биігінен ақын өміріндегі кезеңді оқиғаларға табан тірей отырып Абай болмысын ғұмырнамалық, пәлсапалық зерттеу болып табылады.

Еңбектер магистранттар мен докторанттарға, жалпы білім алушы, ізденуші жастарға және көпшілікке арналған

Әл-Фараби атындағы ҚазҰУ жанындағы Абай ғылыми-зерттеу институтында дайындалған «Абайтану. Таңдамалы еңбектер» көп томдық басылымының ХLVI томы жарық көрді.

«Абайтану. Таңдамалы еңбектер» көп томдық басылымының қырық  алтыншы томында Абaй қарасөздерінің ерекшеліктері, Абайдың өмірі мен  қоғамдық қызметіне қатысты архивтік деректер берілді.

Абай қара сөздерінің жанрлық, стильдік болмысы бүгінгі таным тұрғысынан абайтану саласындағы қол жеткен жетістіктерге сүйене отырып, өзіндік таным тұрғысынан зерттеліп, жаңаша әрі тың ой пікірлер – еңбектің ғылыми ауқымын кеңейтіп, соны қабаттарын аша түскен. Абай Құнанбаевтың өмірбаянына қатысты дереккөздерінің зерттелу тарихы оның әр жылдарда жазылған өмірбаяндарының тарихымен байланысты зерттелген.  Еңбек студенттер мен магистранттарға, докторанттарға, филолог-ізденушілерге, ғылыми қауымға және көпшілікке арналған.

  Әл-Фараби атындағы ҚазҰУ жанындағы Абай ғылыми-зерттеу институтында ұлы Абайдың туғанына 175 жыл толуына орай Қазақстан Республикасы Президенті Қасым-Жомарт Тоқаевтың «Абай–рухани реформатор» мақаласында аталған бағыттарды жүзеге асыру және  жас ұрпақ санасында Абай  аманатын  орнықтыру мақсатында  ЖОО, колледж студенттері мен орта мектептің жоғары сынып оқушылары арасында «Абай. Таңдамалы даналық сөздер: қабылдау мен зерделеу» атты шығармашылық эссе байқауын өткізді. Байқау АБАЙ ҒЗИ-да орындалып жатқан «Абай ілімін білудің, түсінудің және қолданудың ғылыми-теориялық негіздері мен теориялық тетіктері» тақырыбындағы ғылыми жоба аясында өткізілді. Байқауға республиканың түкпір-түкпірінен қатысқан жас талапкерлер www.abai.kaznu.kz сайтындағы Абай Құнанбайұлының «Даналық сөздерінен» мысал алып, өз тарапынан талдау жасады. Қазылар алқасының шешімімен байқау қорытындысы бойынша төмендегі қатысушылар жүлделі орындарға ие болды:

ЖОО студенттері арасында:

1 – орын Мақсұт Аружан, Алматы энергетика және байланыс университетінің 2 курс студенті

2 –  орын Еділ Аяна, Әл-Фараби атындағы ҚазҰУдың 2 курс студенті

2 – орын Сейілханқызы Ғазиза, Алматы энергетика және байланыс университетінің 1 курс студенті

3 – орын  Мұратов Қайырхан,  Алматы энергетика және байланыс унверситетінің 1 курс студенті

3 – орын Тілектес Шынар, М.Х.Дулати атындағы  Тараз өңірлік университетінің 3 курс студенті

9-11 сынып оқушылары арасында:

1 – орын Амангелді  Мирас, Алматы қаласы, 148 орта мектеп-гимназияның 11 сынып оқушысы

1 – орын  Қабдырахым Қарақат, Қостанай қаласы, 115 орта мектептің 11 сынып оқушысы

1 – орын Түгелов Жарас, Алматы облысы, Жамбыл ауданы, Қарғалы ауылы Ә.Бейсеуов атындағы орта мектебінің 11 сынып оқушысы

2 – орын  Рахманова Жанел, Алматы қаласы, Түрксіб ауданы, 115 орта мектебінің 11 сынып оқушысы

2 – орын  Тұраққазы Аққу, Семей қаласы, 35 мектебінің 11 сынып оқушысы

2 – орын Хуан Наурызбек, Алматы облысы, Ақсу ауданы, Көлтабан орта мектебінің 9 сынып оқушысы

3 – орын Бердібек Әділ,  Алматы облысы, Кеген ауданы, Ж.Ермегияев атындағы  орта мектептің 9 сынып оқушысы

3 – орын Қасымақын Фариза, Алматы қаласы, 26 ЖББ мектебінің 9 сынып оқушысы

3 – орын  Саған Іңкәр,  Алматы қаласы, Жетісу ауданы 148 орта мектебінің 9 сынып оқушысы

7-8 сыныптар арасында:

1 – орын Әбдіқадыр Назерке, Қызылорда облысы, Қармақшы ауданы, Ш.Уәлиханов атындағы 26 орта мектептің 8 сынып оқушысы

2 – орын Асылбек Ұлту, Өлеңті орта мектебінің 8 сынып оқушысы

2 – орын Бимырза Дамира, Алматы облысы, Ақсу ауданы, Б.Сырттанов атындағы орта мектептің 8 сынып оқушысы

3 – орын Абдықамалов Асқар, Алматы қаласы, М.Базарбаев атындағы мектеп-гимназияның 8  сынып оқушысы

3 – орын Тұрыспаева Айша, Алматы қаласы, 148 орта мектептің 8 сынып оқушысы

Әл-Фараби атындағы Қазақ ұлттық университеті жанындағы Абай ғылыми-зерттеу институтының басшылығымен «Абайтану. Таңдамалы еңбектер» көп томдық басылымының XLV томы жарық көрді.

«Абайтану. Таңдамалы еңбектер» көп томдық басылымының қырық бесінші томында Абайдың шығармашылығы, жаңашыл ойлары мен ағартушылық еңбегі туралы бір топ зерттеулер берілді. Оларда Абайдың шығармашылығы түрлі қырынан қарастырылып, Абайдың діншілдік, жаңашылдық, ағартушылық көзқарастары мен ойлары талданады.

Томға енген еңбектер абайтанушыларға, магистранттар мен докторанттарға, Абай мұрасын білмекті парыз тұтқан білім алушы, ізденуші жастарға және көпшілікке арналған.

Әл-Фараби атындағы Қазақ ұлттық университеті жанындағы Абай ғылыми-зерттеу институтының басшылығымен «Абайтану. Таңдамалы еңбектер» көп томдық басылымының XLIV томы жарық көрді.

«Абайтану. Таңдамалы еңбектер» көп томдық басылымының қырық төртінші томында  А.Б. Салқынбайдың «Абaй сөзінің лингвопоэтикасы» еңбегі берілді. Зерттеуде Абай поэзиясындағы сөз мағынасы мен мәні мәдени-танымдық бағытта сараланып, лебіздің лингвопоэтикалық сыры зерттеледі. Көркем мәтін семантикалық кеңістігінің негізгі әмбебап сипаты «адам», «уақыт», «кеңістік» тұрғысынан  талданып, мәтін мәнінің терең динамикасы, мәтін бүтіндігі мен даралығы айқындалады.

Еңбек студенттер мен магистранттарға, докторанттарға, филолог-ізденушілерге, ғылыми қауымға және көпшілікке арналған.

Әл-Фараби атындағы Қазақ ұлттық университеті жанындағы Абай ғылыми-зерттеу институтының басшылығымен «Абайтану. Таңдамалы еңбектер» көп томдық басылымының XLIII томы жарық көрді.

«Абайтану. Таңдамалы еңбектер» көп томдық басылымының қырық үшінші томында А.Машановтың «Әл-Фараби және Абай» еңбегі берілді. Кітапта автор әл-фараби мен Абайдың рухани байланысын, даналықтарының түпкі негізін, ілімдерінің әлеуметтік маңызын ашып көрсетеді.

Еңбек әл-Фараби атындағы Қазақ ұлттық университетінің шәкірттеріне, ғалымдары мен оқытушыларына, зерттеушілеріне, әл-Фараби мен Абайдың даналығынан үлгі алғысы келген барша талапты жасқа, сондай-ақ көпшілік оқырманға арналған.

Әл-Фараби атындағы ҚазҰУ жанындағы Абай ғылыми-зерттеу институтының ұйымдастыруымен  2020 жылдың 27 қарашасында Әбу Насыр Әл-Фарабидің 1150 жылдық мен Абай Құнанбайұлының 175 жылдық мерейтойына арналған «ӘЛ-ФАРАБИ МЕН АБАЙДЫҢ РУХАНИ МҰРАСЫ: ҚАЗІРГІ ӨРКЕНИЕТТЕГІ ОРНЫ МЕН МАҢЫЗЫ» атты халықаралық ғылыми-теориялық онлайн конференция өтті. Толығырақ »

Әл-Фараби атындағы Қазақ ұлттық университеті жанындағы Абай ғылыми-зерттеу институтының басшылығымен «Абайтану. Таңдамалы еңбектер» көп томдық басылымының XLII томы жарық көрді.

«Абайтану. Таңдамалы еңбектер» көп томдық басылымының қырық екінші томында Ә. С. Тaрaқовтың «Абaйдың aудaрмaшылық тaлaнты» еңбегі берілді. Филология ғылымының докторы, профессор Ә.С. Тaрaқов Aбaйдың Бaтыс және орыс aқындaрынaн aудaрғaн туындылaрын жaн-жaқты зерттеді. Клaссиктердің шығaрмaшылық өмір жолы берілген. Сонымен бірге Абай поэзиясының aудaрмaлaры теориялық тұрғыдaн терең тaлдaнaды. Әр aудaрмaдaғы Aбaйдың ізденісін, бaлaмa, сәйкестік тaбу шеберлігін, aудaру тәсілдері мен шешімдерін түпнұсқa мен aудaрмaны сaлыстырa aйқындaп, дәлелдейді. Әр aудaрмaны нaқты тaлдaп, сaрaптaп, Aбaйдың aудaрмaшылық тaлaнтын ерекшелейді. Шығыс пен бaтыс әдеби сaбaқтaстығын сaрaлaйды.

Томға енген еңбек абайтанушыларға, магистранттар мен докторанттарға, Абай мұрасын білмекті парыз тұтқан білім алушы жастарға және көпшілікке арналған