Мен жасымнан көп көрдім (6)

 Мұсылманды, кәпірді.

Абыралыдай көрмедім

Намаз білмес пақырды.

Қираәтін¹ оқытып

Көріп едім, шатылды.

Ниет қыла білмейді,

 Не қылады нәпілді².

Намазшамның³ артынан

Құржаң-құржаң етеді.

 Жер ұшык берген кісідей

Тоңкандай ма, не етеді.

Нәпіл түгіл намазы —

 Бәрі желге кетеді.

„Еннатайьна кәлкәусар»⁵,

Пашол дереу, кұнәкар.

 Аяғын ойлап айтқаны:

„Әні-шаны күлаптар».

 Осы оқумен намаздың

Кай жеріңде сауап бар?

Тегін ойлап байкасаң,

Мұнда ми жоқ, құлақ бар.

¹ Қираәт (арабша) – оқу, құран оқу.

² Нәпіл (арабша)  — міндетгі бес уақыт окылатын намазға қосымша окылатын намаз

³ Намазшам (парсыша) күн бата оқылатын намаз.
Шам — кешкі, кеш.

⁴ Жер ұшық — ауырған адамды күн батар алдында күн батыска қаратьп жерге жатқызып-тұргызып ұшықгау.

⁵ „Еннатайына кәлкәусар»  ^— шынында да кұрметің, сыйың кәусар суындай.