2014 жылы 2 сәуірде Әл-Фараби атындағы ҚазҰУ-дың аударма теориясы және әдіснамасы кафедрасындағы «TARZHIMAN CLUB» жас аудармашылар клубының ұйымдастыруымен «ХХІ ҒАСЫР АУДАРМАШЫСЫ » атты  аудармашылар сайысы өтті. Сайыстың мақсаты студенттердің сабақта алған білімдерін практикада пысықтау және «аударма ісі» деген қиын да қызық мамандыққа студенттердің қызығушылықтарын онан әрі арттыру болып табылады. Аударма ісі бөлімінің 1-3 курс студенттері  «ХХІ ҒАСЫР АУДАРМАШЫСЫ » атағын иелену үшін  бес кезеңнен тұратын сайыста түрлі тапсырмалар орындап, күрделі сұрақтарға жауап берді. Әділқазылар мүшелері екі топқа бөлінген командаларды әр кезең бойынша бағалап, сайыс соңында өз пікірлерін білдірді.  «TARZHIMAN CLUB» жетекшісі Л.Мұсалы сайысты қорытындылап, белсенді студенттерге мақтау қағаздар тапсырды.  Тартысты өткен сайыста, жекелей сында «ХХІ ҒАСЫР АУДАРМАШЫСЫ»  мақтау қағазын 1 курс студенті ӘДИХАН  Елнұр иеленді. Сайыс болашақ аудармашылар үшін қызықты да пайдалы шара болды.

Е.Кәрібозов, аударма теориясы және әдіснамасы

кафедрасы меңгерушісінің орынбасары, ф.ғ.к.