Құрметті әдебиет сүйер қауым!

         Әл-Фараби атындағы Қазақ ұлттық университеті жанындағы Абай ғылыми-зерттеу институтының «Абайтану  Таңдамалы еңбектер» көптомдық басылымының бүгінде отыз алты (36) томы жарық көрген болатын. Басылым жалғасуда. Институт «Абай институтының еңбектері» атты екінші көптомдық басылымды шығару ісін қолға алды. Абайдың «Таңдамалық даналық сөздері» — осы басылымның бірінші кітабы.

         Абайдың шығармашылық мұрасының өзегін даналық сөздер түзеді. Даналық сөздердің тереңіндегі даналық ойлар – ақынның адам, адамзат туралы ілімінің тірегі. Бұл топтағы сөздердің біразы алғаш рет 2012 жылы 15 наурызда Абай институтының abai.kaznu.kz вебсайтында «Абай. Таңдамалы даналық сөздер» деген атпен жарияланған болатын.

         Кітапқа енген даналық сөздер Абай шығармаларының екі томдық толық жинағының 1957 және 1977 жылдардағы басылымдарынан алынды және әліпбилік ретпен берілді.

Абай ҒЗИ