Әл-Фараби атындағы Қазақ ұлттық университеті жанындағы Абай ғылыми-зерттеу институтының басшылығымен «Абайтану. Таңдамалы еңбектер» көп томдық басылымының XXXIX томы жарық көрді.

«Абайтану. Таңдамалы еңбектер» көптомдығының отыз тоғызыншы томына Абай (Ибраһим) Құнанбайұлының дүниеге келгеніне 95 жыл, 100 жыл, 125 жыл толуына орай арнайы жазылып, дайындалған еңбектердің таңдамалы бір тобы енді. Олардың мазмұны мен құрылым-жүйесінен Абайдың шығармашылық мұрасына қатысты түрлі кезеңнің тыныс-лебі сезіледі. Абайтану ғылымының тарихында бұл еңбектердің тарихи және танымдық-тағылымдық мәні бар.

Томға енген еңбектер абайтанушыларға, магистранттар мен докторанттарға, Абай мұрасын білмекті парыз тұтқан білім алушы жастарға және көпшілікке арналған.