ӘБДІРАХМАНҒА
Алланың рахматын
Жар тұтып әр неге.
Әр-Рахман[1] ол атын
Үйреткен жүмлеге[2].
Дұғаның қуатын
Жіберме өңгеге.
Әбіштің сыйххатын
Беркітсең кеудеге.
Рәушан сипатын
Тез көрсет пендеге.
Осындай шапқатын
Ұмытам мен неге?
Зархатым — бұл хатым.
Бізді тыныш жүр деме.
Азайып қуатым,
Денем жүр көрмеге.
Бұл — жазған сұңғатым[3],
Көңіл ашар бір наме[4].
Менің сол рахатым
Көзіме сүрмеге.